ცენტრალური საარჩევნო კომისიის თავმჯდომარე თამარ ჟვანია პოლიტიკურ პარტიებს მოუწოდებს, ხმების დათვლის პროცესს ხელი შეუწყონ. ჟვანიას განცხადებით, ეგზიტპოლები არჩევნების ოფიციალურ შედეგებს ერთი-ერთში არასოდეს ემთხვეოდა:

“მინდა, მადლობა გადავუხადო ამომრჩეველს, რომელმაც არჩევნებში მიიღო მონაწილეობდა. ასევე საარჩევნო ადმინისტრაციას, რომელმაც კენჭისყრის პროცესს თავი წარმატებით გაართვა. ახლა არის უმნიშვნელოვანესი პროცესი - ხმების დათვლა, არჩევნების შედეგების საოლქო მონაცემებში აკურატული ასახვა. მინდა, მოვუწოდო თითოეულ დამკვირვებელს და პოლიტიკური პარტიის წარმომადგენელს, მაქსიმალურად ხელი შეუწყონ ამ პროცესს და არ შექმნან არანაირი შეფერხებები, პირიქით უზრუნველყონ გამჭირვალობა და სანდოობა შედეგების, რაც რეალურად სარჩევნო ადმინისტრაციის მხრიდან იქნება გარანტირებული”, - განაცხადა ჟვანიამ.