„საერთოდ ადგილობრივი არჩევნები დაბალი აქტივობით ხასიათდება“, - ასე ახსნა „ქართული ოცნების“ თბილისის მერობის კანდიდატმა დავით ნარმანიამ დედაქალაქში ამომრჩეველთა დაბალი აქტივობა.

როგორც „რუსთავი 2“-ის ეთერში ნარმანიამ განაცხადა, არჩევნების საერთო შედეგით კმაყოფილია.

„დედაქალაში დაბალი აქტივობა უნდა აიხსნას პირველ რიგში იმით, რომ საერთოდ ადგილობრივი არჩევნები დაბალი აქტივობით ხასიათდება. ეს ყოველთვის ასე იყო და ამ შემთხვევაშიც ასე აღმოჩნდა. ასევე, როგორც ჩანს გარკვეულმა მომენტებმა იქონია გავლენა. როგორც ჩანს ზოგიერთ უბნებში არ იყო მობილიზების ისეთი მაჩვენებლი, როგორიც უნდა ყოფილიყო. მე ვერ ვიტყოდი, რომ დაბალი აქტივობა იყო, მაგრამ უფრო მეტი მაჩვენებელი მისასალმებელი იქნებოდა“, - განაცხადა ნარმანიამ.