ეგზიტპოლების წინასწარი შედეგების გამოცხადების შემდეგ მმართველ გუნდში კომენტარები გაკეთდა. საქართველოს თავდაცვის მინისტრის განცხადებით დღეს საქართველოში უპრეცენდენტო არჩევნები ჩატარდა:

„უპრეცენდენტო არჩევნებია, 12 მერი ავირჩიეთ, გარდა ამისა საარჩევნო სიები იყო უპრეცედენტოდ დახვეწილი, რისთვისაც დიდი მადლობა მინდა გადავუხადო იუსტიციის სამინისტროს და მე მგონია, რომ საქართველოს დემოკრატია კიდევ უფრო გამტკიცდა დღეს“, - განაცხადა ირაკლი ალასანიამ.

დავით სერგეენკოს განცხადებით, კომენტარის გაკეთება ცესკოს მონაცემების გასაჯაროების შემდეგ იქნება შესაძლებელი:

„დაველოდოთ საბოლოო შედეგებს და შემდეგ გამოვიტანოთ დასკვნა, ჩვენი მონაცემებით მეორე ტური არ იქნება“, - განაცხადა დავით სერგეენკომ.

საქართველოს ეროვნული უშიშროები საბჭოს მდივანი კი აცხადებს, რომ ინფომაცია, რომელიც მმართველმა გუნდმა მიიღო ეგზიტპოლების შედეგებს ემთხვევა:

„ეგზიტპოლების წინასწარი მონაცემები ვნახეთ, პირველივე ტურში იმარჯვებს ქართული ოცნება, შესაბამისად ჩვენ დაველოდებით რა თქმა უნდა შედეგებს, ამ ეგზიტპოლების შედეგებს ემთხვევა ჩვენი მონაცემებიც, ჩვენთვის უაღრესად მნიშვნელოვანი იყო დემოკრატიულად და მშვიდობიანად ჩატარებულიყო ეს არჩევნები“, - განაცხადა ირინა იმერლიშვილმა.