პრემიერ-მინისტრი ეგზიტპოლების პირველად შედეგებს ეხმაურება. ირაკლი ღარიბაშვილმა დავით ნარმანიას გამარჯვება მიულოცა და აღნიშნა, რომ ბოლო მონაცემებით ყველა ქალაქში „ქართული ოცნების“ კანდიდატი იმარჯვებს.

„მინდა მიულოცო ყველას მართლაც თავისუფალი არჩევნების ჩატარება. ეს არის მნიშვნელოვანი ჩვენი ქვეყნის განვითარებისთვის. მე მინდა ასევე გამარჯჯვება მივულოცო ჩვენს კანდიდატებს. 8 საათის მონაცემებით პირველ ტურში გამარჯვება მოიპოვა დავით ნარმანიამ. ეს არის იმ მონაცემებზე დაყრდნობით, რომელიც ჩვენ ყველამ მოვისინეთ. საჭიროა, რომ დაველოდოთ საბოლოო მონაცემებს. ამით ჩვენ დავადასტურეთ, რომ ვართ უპრეცენდენტო ძალა. ჩვენ სამართლიანად და დამაჯერებლად გავიმარჯვეთ. მინდა მადლობა გადაუხადო ხალხს გამოჩენილი ნდობისთვის და გარწმუნებთ, ჩვენ ერთად მივიყვანთ ქვეყანას რეალურ კეთილდღეობამდე. ჩვენთვის, როგორც მმართველო კოალიციისთვის მნიშვნელოვანია, რომ არჩვენებმა სერიოზული დარღვევების გარეშე ჩაიარა. მინდა ასევე ცესკოს გადაუხადო დიდი მადლობა იმისთვის, რომ უზრუნველყო გამჭირვალე არჩევნების ჩატარება. დღევანდელი არჩევნებით ჩვენმა ხელისუფლებამ დაადასტურა დემოკრატიული რეფორმების შეუქცევადობა. კიდევ ერთი ნაბიჯი გადავდგით ევროპისკენ და ვაჩვენეთ მსოფლიოს, რომ ჩვენი ქვეყანა მზად არის ცივილიზებული მსოფლიოს წევრი გახდეს. ჩვენი მონაცემებით „ქართულმა ოცნებამ“ ყველა ქალაქში მოიგო არჩევნები“, - განაცხადა ღარიბაშვილმა.

„რუსთავის 2“- ის ეგზიტპოლის მიხედვით „ქართული ოცნების“ თბილისის მერობის კანდიდატს დავით ნარმანიას 46,3% აქვს, ხოლო „ნაციონალური მოძრაობის“ თბილისის მერობის კანდიდატს 27,2%.

„იმედის“ ეგზიტპოლების მიხედვით, პირველ ადგილზე „ქართული ოცნების“ თბილისის მერობის კანდიდატი დავით ნარმანია 51.2%-ით ლიდერობს. მეორე ადგილს „ნაციონალური მოძრაობის“ მერობის თბილისის მერობის კანდიდატი ნიკა მელია 24.7%-ით იკავებს.