„ერთიანი ნაციონალური მოძრაობის“ სათაო ოფისში საგანგებო ბრიფინგი გაიმართა. გიგი უგულავამ არჩევნებში მეორე ტურის გამართვის დიდ ალბათობაზე ისაუბრა:

„მე მინდა დიდი მადლობა გადავუხადო ქართველ ამომრჩეველს და საზოაგდოებას გამოჩენილი გულისხმიერებისთვის, ქართულმა საზოგადოებამ ივანიშვილს და მმართველ კოალიციას დაანახა, რომ მათ არ მოსწონთ ქვეყნის ის განვითარება რომელიც მათ შესთავაზეს, მათ არ მოსწონთ უმუშევრობის ზრდა, არ მოსწონთ კრიმინალის ზრდა და ჩვენმა საზოგადოებამ აგრძნობინა ამ არჩევნებით მთავრობას ეს გზავნილი.

მიუხედავად იმისა, რომ ცესკოს შემაჯამებელი ოქმები წინაა, ცალსახაა, რომ თითქმის ყველა თვითმმართველ ქალაქში ჩატარდება მეორე ტური და პირველ რიგში რა თქმა უნდა მეორე ტური ჩატარდება თბილისში.

მეორე ტურის მაღალი ალბათობაა რუსთავში, თელავში, ბათუმში, გორში და ქუთაისში, მიუხედავად იმისა, რომ გორში ნაციონალური მოძრაობის კანდიდატი არ არის წარმოდგენილი.

მეორე ტურით კიდევ უფრო ნათლად დაანახებს ჩვენი საზოგადოება მთავრობას რომ აღარ შეიძლება ასე გაგრძელება.

ქართული საზოგადოების მთავარი გზავნილი იყო ის, რომ დაბალი აქტივობა დაფიქსირდა მთელ საქართველოში. შეუდარებლად დაბალი იყო აქტივობა საპრეზიდენტო არჩევნებთან შედარებით, წარმოუდგენლად დაბალი იყო საპარლამენტო არჩევნებთან შედარებით.

მთავრობამ უნდა დაანებოს თავი იმ ცინიკურ პოლიტიკას, რომ ყველაფერი კარგადაა და კიდევ უფრო მეტი გააკეთა ვიდრე დაპირდა საზოგადოებას.

ჯერჯერობით უცნობია დანარჩენ 59 რაიონში ვათარება და ველოდებით რომ უმრავლეს რაიონში მეორე ტურით გაირკვვა შედეგები“, - განაცხადა გიგი უგულავამ.