„ერთიანი ნაციონალური მოძრაობის“ წევრებმა ეგზიტპოლების შედეგების გაცნობის შემდეგ მედიისთვის კომენტარი გააკეთეს. დავით ბაქრაძის განცხადებით, შედეგებმა აჩვენა, რომ „საქართველოს მოსახლეობამ დაპირისპირებაზე აგებულ პოლიტიკას უარი უთხრა“:

„ამ შედეგმა დაადასტურა რომ საქართველოს მოსახლეობამ უარი უთხრა დაპირისპირებაზე აგებულ პოლიტიკას, ადამიენებს სჭირდება გაკეთებული საქმე, სიმშვიდე და წესრიგი ამ ქვეყანაში, ეს იქნება ყველაფერი ის რასაც ჩვენ მომავალი წლების განმავლობაში შევთავაზებთ მოსახლეობას“, - განაცხადა ბაქრაძემ.

გოკა გაბაშვილის თქმით, ეგზიტპოლების შედეგებით ჩანს, რომ მოსახლეობის უმრავლესობამ საკუთარი უკმაყოფილება დააფიქსირა:

„ამომრჩევლის დიდმა უმრავლესობამ გამოხატა თავისი იმედგაცრუება ხელისუფლების მიმართ, „ნაციონალური მოძრაობა“ არის მთავარი ოპოზიციური ძალა და იმედი გვაქვს, რომ მეორე ტურში ყველა ის ამომრჩეველი, რომელიც მონაწილეობას არ იღებდა ამ არჩევნებში მეორე ტურში მხარს დაუჭერს „ნაციონალურ მოძრაობას“, - აღნიშნა გაბაშვილმა.