„ნაციონალური მოძრაობის“ თბილისის მერობის კანდიდატი ნიკა მელია ეგზიტპოლის პირველად შედეგებს ეხმაურება.

მისი თქმით, აღნიშნულმა შედეგებმა არჩვენა, რომ საზოგადოება ხელისუფლებით უკმაყოფილოა.

„ეგზიტპოლის შედეგებმა ცხადყო, რომ მეორე ტური გადრდაუვალია. ასევე ცხადყო, რომ თბილისელები არიან უკმაყოფილო უამრავი შეჩერებული სოციალური და ინფრასტრუქტურული პროექტებით. ბევრი თბილისელი არ გამოცხადდა არჩევნებზე, რაც ნიშნავს, რომ ხალხი ხელისუფლებით იმედგაცრუებულიაა“, - განაცხადა მელიამ.

„რუსთავის 2“- ის ეგზიტპოლის მიხედვით „ქართული ოცნების“ თბილისის მერობის კანდიდატს დავით ნარმანიას 46,3% აქვს, ხოლო „ნაციონალური მოძრაობის“ თბილისის მერობის კანდიდატს 27,2%.

„იმედის“ ეგზიტპოლების მიხედვით, პირველ ადგილზე „ქართული ოცნების“ თბილისის მერობის კანდიდატი დავით ნარმანია 51.2%-ით ლიდერობს. მეორე ადგილს „ნაციონალური მოძრაობის“ მერობის თბილისის მერობის კანდიდატი ნიკა მელია 24.7%-ით იკავებს.