"ქართული ოცნების" ცენტრალურ ოფისში მთავრობის წევრები იკრიბებიან.

შტაბში სულ ცოტა ხნის წინ ჯანდაცვის მინისტრი დავით სერგეენკო მივიდა. მისი თქმით, არჩევნები მშვიდ და წყნარ გარემოში მიმდინარეობს.

"იყო მცირე დარღვევებიც და მასზე მოხდება შესაბამისი რეაგირება. არჩევნები კი ძალიან მშვიდად და წყნარად მიმდინარეობს. შედეგები მალე გვექნება", - აღნიშნა დავით სერგეენკომ.

"ქართული ოცნების" ცენტრალურ ოფისში უკვე იმყოფება პრემიერ-მინისტრი, ენერგეტიკის მინისტრი და თბილისის მერობის კანდიდატი.

ოფიციალურად არ ადასტურებენ პრეზიდენტი გიორგი მარგველაშვილი და ყოფილი პრემიერი ბიძინა ივანიშვილი "ქართული ოცნების" საარჩევნო შტაბში ყოფნა.

პრესსამსახურის ინფორმაციით, ბიძინა ივანიშვილი ურეკში იმყოფება. გიორგი მარგველაშვილი კი - დუშეთში.