„ერთიანი ნაციონალური მოძრაობის“ ერთერთმა ლიდერმა ზურაბ ჭიაბერაშვილმა თვითმმართველობის არჩევნების მიმდინარეობისას ხელისუფლების მხრიდან ე.წ. „კარუსელის“ ამოქმედებაზე გააკეთა კომენტარი:

„თბილისში, როგორც დანარჩენ საქართველოში დაბალია აქტივობა, „ქართულმა ოცნებამ“ შევარდნაძის მმართველობის შემდეგ დავიწყებული კარუსელის სისტემა აამოქმედა, გადამღებმა ჯგუფებმა დააფიქსირეს სამარშუტო ტაქსები, სადაც მობილიზებულნი არიან ამ ტიპის გაყალბებისთვის ადამიანები, ასევე სხვადასხვა უბნებზე მივიდნენ ამომრჩევლები, სადაც მათი ხელმოწერა უკვე დაფიქსირებული იყო. ადგილი აქვს ერთი და იმავე ადამიანების ტარებას სხვადასხვა საარჩევნო უბნებზე“, - განაცხადა ზურაბ ჭიაბერაშვილმა.