ქუთაისში „ერთიანი ნაციონალური მოძრაობის“ წარმომადგენლები აცხადებენ, რომ მმართველი გუნდი არჩევნების გაყაბების გზას დაადგა.

"ნაციონალური მოძრაობის" ქუთაისის საარჩევნო შტაბში ადგილობრივი თვითმმართველობის არჩევნების მიმდინარეობისას გამოვლენილ დარღვევებზე სპეციალური ბრიფინგი გამართეს.

გიორგი ვაშაძის განცხადებით, ხელისუფლება არჩევნების გაყალბების გზას დაადგა, რისი პირველი ნიშნებიც უბნებზე კარუსელის რამდენიმე დაფიქსირებული ფაქტია.

"სამწუხაროა, რომ ხელისუფლება არჩევნების გაყალბების გზას დაადგა. დავაფიქსირეთ კარუსელის რამდენიმე შემთხვევა, რაც იმას ნიშნავს, რომ ხელისუფლება არჩევნებს აყალბებს", - განაცხადა ვაშაძემ.

ამასთან, ბრიფინგზე "ნაციონალური მოძრაობის" დარღვევის სულ 10 ფაქტზე ისაუბრეს, მათ შორის #28-ე საარჩევნო უბანზე გიორგი თევდორაძის თქმით, 10-მა პირმა ხმა სხვისი პირადობის მოწმობით მისცა. 41-ე უბანზე კი პირს მარკირების გარეშე სურდა ხმის მიცემა.