საქართველოს იუსტიციის მინისტრის, თეა წულუკიანის განცხადებით საარჩევნო პროცესი მნიშვნელოვანი დარღვევების გარეშე მიმდინარეობს. მინისტრმა ხმის მიცემის დროს ახალ პროცედურებზეც ისაუბრა და აღნიშნა, რომ გამოუძიებელი არცერთი დარღვევა არ დარჩება.

„საქართველოს არასდროს ისეთი ზუსტი სია არ ჰქონია დამოუკიდებლობის შემდეგ, როგორიც არის დღეს ფოტოსურათიანი, გაუყალბებელი და დღეს თქვენ ნახავთ, რომ ამ ფოტოების წყალობით ყველანაირი კარუსელი იქნება გამორიცხული. მივიღებთ არსებულ დარღვევებზე ინფორმაციებს, არ არის გამორიცხული კომისიაც შევკრიბოთ თუ საჭირო გახდა, მაგრამ მე იმედი მაქვს, რომ უწყებათაშორისი კომისიის საგანგებო რეჟიმში შეკრება არ დაგვჭირდება, იმიტომ, რომ საარჩევნო ადმინისტრაცია გამართულად მუშაობს, ხალხმა გაიგო, რომ სიმშვიდეა მთავარი არჩევნების დროს და მე მჯერა, რომ მშვიდობიანად ჩატარდება“, - განაცხადა თეა წულუკიანმა.