საგარეო საქმეთა ყოფილი მინისტრი გრიგოლ ვაშაძე სოციალური ქსელის მემშვეობით საქართველოს საგარეო საქმეთა სამინისტროს და პრეზიდენტ გიორგი მარგველაშვილს მიმართავს.

„მთავრობავ, საგარეო საქმეთა სამინისტრო, "პრეზიდენტო", ვინმემ, მიუსამძიმრეთ უკრაინას 49 სამხედროს და 4 მესაზღვრის მკვლელობა რუსი ტერორისტების მიერ!!! ნუ ირცხვენთ თავს და ნუ არცხვენთ საქართველოს! კაცობა თუ არ გყოფნით სიმართლის სათქმელად, ელემენტარული თანაგრძნობა მაინც გამოხატეთ!“,- წერს გრიგოლ ვაშაძე „ფეისბუქის“ საკუთარ გვერდზე.

მარიუპოლში მესაზღვრეთა კოლონისთვის ცეცხლის გახსნის შემდეგ სამი უკრაინელი მესაზღვრე დაიღუპა და ოთხი მძიმედ დაიჭრა. ამის შესახებ ინფორმაციას უკრაინის სახელმწიფო სასაზღვრო სამსახური ავრცელებს.

გავრცელებული ცნობის თანახმად, ტერორისტებმა მესაზღვრეების ავტომობილების კოლონას მარიუპოლში, "აზოვსტალის" ქარხანასთან ახლოს გაუხსნეს ცეცხლი.

ლუგანსკის ოლქში უკრაინის სამხედრო თვითმფრინავის ჩამოგდების შედეგად ბორტზე მყოფი 49 ადამიანიც გარდაიცვალა.