კოალიცია „ქართული ოცნების“ მერობის კანდიდატმა დავით ნარმანიამ საკუთარი არჩევანი უკვე დააფიქსირა, რის შემდეგაც მან ჟურნალისტებისთვის კომენტარი გააკეთა:

“დღეს ძალიან მნიშვნელოვანი დღეა. გამარჯვების დღეა. გავაკეთე არჩევანი იმ ძალის სასარგებლოდ, რომელმაც უნდა განავითაროს ჩვენი დედაქალაქი. რომელმაც უკეთესი მომავალი უნდა შეუქმნას ჩვენს პატარებს, თითოეული ასაკის, თითოეული კატეგორიის ადამიანს, რომელმაც უნდა გააკეთოს დედაქალაქში ძალიან ბევრი საქმე, განაშენიანების, ეკოლოგიის, ჯანმრთელობის, სოციალური დაცვის თვალსაზრისით. ხმა მივეცი იმ ძალას, რომელიც ერთობლივი ზრუნვით, საზოგადოების აქტიური ჩართულობით, მოახერხებს იმას, რომ ჩვენს მომავალ თაობებს უკეთეს დედაქალაქში აცხოვრებს“, - განაცხადა დავით ნარმანიამ.