მარტვილის მე-16 საარჩევნო უბანზე არჩევნები ჩაიშალა

პოლიტიკა - 09:08, 15 Jun, 2014

1333

ცენტრალური საარჩევნო კომისიის სპიკერმა, ეკა აზარაშვილმა დღეს გამართულ ბრიფინგზე
მარტვილის მე-16 უბანზე, მომხდარი ინცინდენტის შესახებ გაააჟღერა ინფორმაცია, უბანი სოფელ დოშაყეში მდებარეობს, სადაც ნიღბიანმა პირებმა ბიულეტენები გაიტაცეს. როგორ და რა ვადებში ჩატარდება ხელახალი არჩევნები ამ უბანზე, ეკა აზარაშვილის თქმით, მოგვიანებით გახდება ცნობილი.

ცესკო-ს ინფორმაციით, ამ დროისათვის ყველა დანარჩენი უბანი გახსნილია და დაწყებულია კენჭისყრის პროცესი.

როგორც ეკა აზარაშვილმა განაცხადა დღის განმავლობაში, ყოველ ორ საათში ერთხელ გაიმართება საინფორმაციო ბრიფინგი კენჭისყრის მიმდინარეობის შესახებ, ხოლო ამომრჩევლთა აქტივობის შესახებ პირველი მონაცემები 12:30 საათზე გახდება ცნობილი.

"მინდა, კიდევ ერთხელ შევახსენო არჩევნებში ჩართულ მხარეებს, რომ დღეს, საარჩევნო კანონმდებლობის მიხედვით, კენჭისყრის შენობაში იკრძალება აგიტაცია. კენჭისყრის დღეს ასევე აკრძალულია წინასაარჩევნო ფასდიანი და უფასო რეკლამის განთავსება, ტელევიზიის და რადიოს ეთერში. ასევე კანონით იკრძალება კენჭისყრის დღის 20:00 საათამდე საზოგადოებრივი აზრის გამოკითხვის შედეგების გამოქვეყნება", - განაცხადა ეკა აზარაშვილმა.

მისივე თქმით, 24-საათიან რეჟიმში მუშაობს ცენტრალური კომისიის მედიაცენტრი და ცხელი ხაზი: 2 51 00 51, ონლიანჩატი და ონლაინოპერატორი, სადაც შესაძლებელია არჩევნებთან დაკავშირებული ნებისმიერი სახის ინფორმაციის მიწოდება.