რუსეთის წინააღმდეგ ახალი სანქციების დაწესების ინიციტივით გამოდიან ამერიკელი სენატორები. საგარეო საქმეთა კომიტეტის თავმჯდომარის შეფასებით ვლადიმერ პუტინი უკრაინაში სეპარატისტების ხელშეწყობას განაგრძობს, რომლებიც უკრაინელ სამხედროებს თავს ესხმიან.

კონგრესის ინიციატივით სანქციები უნდა დაუკავშირდეს ეკონომიკის ისეთ დარგებში მომუშავე პირებს, რომლებიც ფინანსურ მომსახურებასთან, ენერგეტიკასთან, მეტალის მოხმარებასთან და მანქანათმშენებლობასთან არიან დაკავშირებულნი.

პარალელურად მორიგ განცხადებას ავრცელებს ამერიკის შეერთებული შტატების სახელმწიფო დეპარტამენტი. დღეს ბრიფინგზე აღინიშნა, რომ უკრაინის ტერიტორიაზე რუსეთის მხრიდან მძიმე ტექნიკის გადაადგილება მიუღებელია.