საქართველოს განათლების მინისტრი საქართველოს პრეზიდენტის ადმინისტრაციის უფროსად მისი შესაძლო დანიშვნის შესახებ გავრცელებულ ინფრომაციას უარყოფს. განცხადება ამის შესახებ სანიკიძემ ზუგდიდში გააკეთა.

„ინფორმცია თავიდანვე იყო მცდარი, ამის შესახებ საუბარი საერთოდ არ ყოფილა, მე ჩვეულებრივად განვაგრძობ მუშაობას ჩემს თანამდებობაზე“, - განაცხადა თამარ სანიკიძემ.

საპარლამენტო უმრავლესობის ერთერთი ლიდერის გია ვოლსკის განცხადებით, ადმინისტრაციის მაღალი თანამდებობის პირების სამსახურიდან წასვლის შესახებ განცხადება თავად პრეზიდენტმა უნდა გააკეთოს.

„პრეზიდენტის ადმინსიტრაცაიში ორი საკვანძო ფიგურა წავიდა სამსახურიდან, ვფიქრობ მეტი განცხადება და სინათლეა საჭირო პრეზიდენტის პრესსამსახურის მხრიდან, იმედია იქნება დეტალები ამის შესახებ“, - განაცხადა გია ვოლსკიმ.

შეგახსენებთ, რომ გუშინ თანამდებობები ადმინისტრაციის უფროსმა ლაშა აბაშიძემ, მისმა ორმა მოადგილემ და პრეზიდენტის მრჩეველმა საგარეო ურთიერთობების საკითხებში ვანო მაჭავარიანმა დატოვეს.