ევროკავშირის ელჩი საქართველოში ფილიპ დიმიტროვი ადგილობრივი თვითმმართველობის არჩევნებამდე რამდენიმე საათით ადრე ცენტრალური საარჩევნო კომისიის მუშაობას აფასებს:

“ცენტრალურმა საარჩევნო კომისიამ არჩევნების მოსამზადებლად დიდი სამუშაო გასწია. ეს ადასტურებს, რომ საქართველოში ინსტიტუტები კარგად მუშაობს. თუ გავითვალისწინებთ რამდენიმე რთულ სიტუაციას, რომელსაც წინასაარჩევნო პერიოდში ჰქონდა ადგილი და რომელიც ეჭვებს ბადებდა არჩევნების სამართლიანობის კუთხით, ცენტრალურმა საარჩევნო კომისიამ შესაბამისი რეაგირება მოახდინა. ამგვარად, მოქალაქეებს მიეცემათ საშუალება, თავისუფლად გააკეთონ არჩევანი. საქართველომ უნდა შეინარჩუნოს ის დადებითი რეპუტაცია, რომელიც გასული ორი არჩევნებით მოიპოვა”, - განაცხადა დიმიტროვმა.