„კახი კალაძე გართულია იმ წილების გადაფორმებაში, რომელიც თავის დროზე „ნაციონალურ მოძრაობას“ ეკუთვნოდა“, - ამის შესახებ „ბურჯანაძე-ერთიანი ოპოზიციის“ ლიდერმა ნინო ბურჯანაძემ გადაცემა „რეაქციის“ ეთერში განაცხადა.

„ნაციონალური მოძრაობა“ რომ გასამართლებულიყო მარტო 2008 წლის აგვისტოს ომის იყო საკმარისი. თუმცა „ქართული ოცნება“ „ნაციონალებთან“ კოჰაბიტაციაში გაერთო. მეტიც ამბობენ, რომ ბატონი კალაძე ძალიან არის გართული იმ წილების გადაფორმებით, რომელიც „ნაციონალურ მოძრაობას“ ეკუთვნოდა. სერიოზული პრეტენზიებია როგორც კალაძის, ისე „ქართული ოცნების“ სხვა ლიდერების მიმართ. ამიტომ უნდა დასრულდეს კოჰაბიტაცია“, - განაცხადა ბურჯანაძემ.