უმრავლესობის წევრი შალვა შავგულიძე პრეზიდენტის მრჩევლის პოსტიდან ვანო მაჭავარიანის გათავისუფლების ფაქტს ეხმაურება. შავგულიძე ბიძინა ივანიშვილის მაჭავარიანისადმი გამოთქმულ კრიტიკას იხსნებს. თუმცა დეპუტატი მიიჩნევს, რომ ექს-პრემიერის კრიტიკა აღნიშნული გადაწყვეტილების საფუძველი ვერ გახდებოდა.

„გამიჭირდება ამ ამბის შეფასება. ყველაფრის ყველაფერთან დაკავშირება შეიძლება. მე მახსოვს ბატონ ბიძინას გამონათქვამი, რომ მას არ მიაჩნდა გამართლებულად ვანო მაჭავარიანის პრეზიდენტის მრჩევლის თანამდებობაზე ყოფნა. თუმცა ნამდვილად ვერ ვიტყვი, რომ ეს გამონათქვამი გახდა ამ გადაწყვეტილების მიზეზი და საფუძველი“, - განაცხადა შავგულიძემ.

ცოტა ხნის წინ გამოქვეყნდა პრეზიდენტის განკარგულება, რომლის მიხედვით პრეზიდენტის მრჩეველი ვანო მაჭავარიანი თანამდებობიდან გათავისუფლდა.