ევროკომისიის პრეზიდენტმა ჟოზე მანუელ ბაროზუმ სასტუმრო „რადისონში“მიმდინარე საქართველო-ევროკავშირის საერთაშორისო ინვესტორთა კონფერენციაზე სიტყვით გამოსვლისას განაცხადა, რომ ევროკავშირი რუსეთს მოუწოდებს, ასოცირების შეთანხმების ხელმოწერასთან დაკავშირებით ნეგატიურ ზომებს არ მიმართოს.

"ასოცირების შეთანხმება, რომლის ხელმოწერასაც ვაპირებთ, ისე არის შედგენილი, რომ საქართველოს დააახლოებს ევროკავშირთან, მაგრამ მინდა ნათლად განვაცხადო, რომ იგი ნამდვილად ვერ შეუშლის საქართველოს, ურთიერთობა გააუმჯობესოს თავის მეზობლებთან, რუსეთის ჩათვლით. ჩვენ გვწამს გახსნილი საზოგადოებების, გახსნილი ეკონომიკების, გახსნილი რეგიონალიზმის და ჩვენ ნამდვილად არ ვიღწვით ექსკლუზიური ურთიერთობებისთვის საქართველოსთან. ჩვენ თანამშრომლობას ყველასთვის მომგებიან ნაბიჯად ვთვლით

მე ასევე მოვუწოდებ რუსეთს, გამოიყენოს არსებული შესაძლებლობები და ნეგატიურ ზომებს არ მიმართოს მომავალი ხელმოწერის პროცედურასთან და ხელშეკრულების შესრულებასთან დაკავშირებით, საქართველოსთან იქნება თუ ნებისმიერ სხვა ქვეყანასთან მიმართებაში. ამას არავითარი მიზეზები და გამართლება არ ექნება", - განაცხადა ბაროზუმ.