საქართველოს საგარეო საქმეთა მინისტრი მაია ფანჯიკიძე საქართველოში ჟოზე მანუელ ბაროზუს ვიზიტს ეხმაურება და აცხადებს, რომ არსებობს დიდი იმედი იმისა, რომ საქართველო მალე გახდება ევროკავშირის სრულუფლებიანი წევრი:

"დღევანდელი კონფერენცია იყო ძალიან წარმატებული. ბატონი ბაროზუ გამოვიდა ძალიან კარგი სიტყვით. მან აღნიშნა, რომ ასოცირების ხელშეკრულება არ არის ჩვენი ურთიერთობის ბოლო ეტაპი, ეს არის მხოლოდ დასაწყისი. მან ისაუბრა, რომ გასული 10 წლის განმავლობაში, რაც ის არის ევროკომისიის პრეზიდენტი, ევროკავშირი 13 ქვეყნით გაფართოვდა და ეს იყო მოგება არა მხოლოდ იმ ქვეყნებისთვის, არამედ ევროკავშირისთვისაც", - განაცხადა მაია ფანჯიკიძემ.