პარლამენტის თავმჯდომარის დავით უსუფაშვილის განცხადებით, „წინასაარჩევნოდ არსებულ ყველა კითხვას სათანადო პასუხი გაეცა და პრობლემები მოგვარდა“.

„ყველა საკითხი, რაზეც კითხვაც დაისვა, რა თემაზეც იყო გარკვეული ჩივილები, იყო განხილული სათანადო ორგანოებში, საარჩევნო კომისიებში. იყო საკითხები, რომლებმაც სასამართლომდე მიაღწია და სასამართლში გადაწყდა; იყო საკითხები, რომლებმაც უწყებათაშორის კომისიაში ჰპოვა განხილვის არეალი და ასე მოგვარდა. ასე, რომ ცხოვრება ასეთია, მთავარია, წამოჭრილი საკითხები და პრობლემები დროზე მოგვარდეს, იმიტომ, რომ შეუცდომლობაზე პრეტენზია არავის აქვს, როდესაც ამ მასშტაბის ღონისძიება ანუ არჩევნები ტარდება. მთავარია, რომ ყველა საკითხს ჰქონდეს სათანადო ადეკვატური პასუხი“ - განაცხადა უსუფაშვილმა.

პროკურატურის მტკიცებით, 80-დან 76 შემთხვევაში პოლიტიკურ სუბიექტებზე ზეწოლის ფაქტები არ დადასტურდა. ამის შესახებ იუსტიციის მინისტრმა თეა წულუკიანმა უწყებათშორისი კომისიის მუშაობის შეჯამებისას განაცხადა.