პაატა დავითაია- მოვუწოდებ პრემიერ-მინისტრს კარგად გაერკვეს, ნუ უსმენს მხოლოდ ზაქარეიშვილის აბსურდებს

პოლიტიკა - 15:14, 12 Jun, 2014

1157

პაატა დავითაია „პირველი რადიოს“ რადიოკლუბში პრემიერ-მინისტრის მიერ გაკეთებულ განცხადებებს გამოეხმაურა.

როგორც დავითაია აცხადებს, მას არ უკვირს რუსეთის ქმედებები, რადგან კრემლი საქართველოს მთავრობისგან ისეთ მესიჯებს იღებს, რომელიც მათ თავისუფლად ქმედების საშუალებას აძლევს.
„არ მიკვირს ასეთი ქმედებები სეპარატისტებისა და რუსეთის ფედერაციის მხრიდან, იმიტომ რომ ისინი იღებენ ისეთ მესიჯებს საქართველოს მთავრობის მხრიდან, რომელიც მათ აძლევთ ყველანაირად თავისუფალი განვითარების საშუალებას, თუნდაც საქართველოს მთავრობის მეთაურის გუშინდელი განცხადება - თითქოს პრობლემა არ არსებობს რუსეთის ფედარაციასთან, რომ რუსეთი არ აპირებს ტერიტორიების მიერთებას. მინდა, მოუწოდო პრემიერ-მინიტრს და შევახსენო, რომ რუსეთის ფედერაცია 1990 წლების დასაწყისიდან ებრძვის საქართველოს დამოუკიდებლობას. მათ თავისი ქმედებებით, ე.წ სამშვიდობო პოლიტიკით და სამშვიდობო ძალებით გახადეს ოკუპაციის ჯარებად ცხინვალში და სოხუმში, ამით არათუ მიიერთა, ამ ტერიტორიების ანექსიაც ჩაატარა. რუსეთის ფედარაცია აპირებს იურიდიული დეიურე კონტროლის განხორციელებას ამ ტერიტორიებზე და სურს, ისინი სუბიექტებად აქციოს. ამიტომ, მოვუწოდებ საქართველოს პრემიერ-მინისტრს კარგად გაერკვეს, ნუ უსმენს მხოლოდ ზაქარეიშვილის აბსურდებს. ის როგორც სახელმწიფო მინისტრი ალბათ პრემიერ-მინისტრს აყენებს საქმის კურსში და ჩვენ ვხედავთ, რეალურად რაზეც მიდის საუბარი - თითქოს, არანაირი ინტერესები რუსეთს არ გააჩნია საქართველოს ტერიტორიების ანექსირებისა. საქართველოს ტერიტორია უკვე ანექსირებულია და ჩვენ ყველაფერი უნდა გავაკეთოთ, რომ დავიბრუნოთ ეს ტერიტორიები. პრემიერ-მინისტრს ასეთი აბსურდული განცხადებებისგან თავის შეკავებისკენ მოვუწოდებ“, - განაცხადა პაატა დავითაიამ.