ზუგდიდის რაიონში "ნაციონალური მოძრაობის" გამგებლობის კანდიდატ თენგიზ გუნავას პრემიერ-მინისტრ ირაკლი ღარიბაშვილის წინააღმდეგ საჩივარი შეაქვს.

"რეაგირების გარეშე ვერ დავტოვებ პრემიერ-მინისტრის სრულიად უპასუხისმგებლო და მავნებლურ განცხადებას, რომლის შედეგადაც ზუგდიდში ძალადობრივი პროცესები დაიწყო. ხალხი დაუპირისპირეს ერთმანეთს. ხელისუფლებამ ჯერ გაჭირვებული ოჯახი გამოიყენა და შემდეგ "ოცნების" აქტივისტები ჩართო აქციებში. პრემიერ-მინისტრმა პოლიტიკურად გამოიყენა ოჯახის ვითარება, წააქეზა და "ოცნების" აქტივისტები მიუსია ზუგდიდში "ნაციონალური მოძრაობის" ოფისს. ამით წინასაარჩევნოდ ჩვენი პარალიზება მოახდინეს. ამასთანავე ღარიბაშვილმა უაპელაციოდ დამადანაშაულა იმაში, რაც არ ჩამიდენია და ეს ისე გააკეთა, რომ არც პროკურატურას და არც შინაგან საქმეთა სამინისტროს ჩემთან დაკავშირებით განცხადება არ გაუკეთებიათ. ვითხოვ ყველაფერ ამის გამოძიებას და ყველას დაკითხვას, ვისაც ამასთან რაიმე კავშირი ჰქონდა", - განაცხადა თენგიზ გუნავამ.

გუნავას დიდი იმედი არ აქვს, რომ დიდი იმედი არ აქვს, რომ პროკურატურა აღნიშნულ საქმეს გამოიძიებს.

ირაკლი ღარიბაშვილმა განაცხადა, რომ თავდაცვის სამინისტროს დაზვერვის დეპარტამენტის ოფიცრის პაატა ქარდავას მკვლელობის საქმეში თენგიზ გუნავაც ფიგურირებს.