პრემიერი- საქართველოს მისწრაფება გახდეს ნატო-ს წევრი

პრემიერი- საქართველოს მისწრაფება გახდეს ნატო-ს წევრი - შეუქცევადია

პოლიტიკა - 22:49, 11 Jun, 2014

1272

,,საქართველოს მისწრაფება გახდეს ევროკავშირისა და ნატოს წევრი არის შეუქცევადი", - ამის შესახებ საქართველოს პრემიერ-მინისტრმა ირაკლი ღარიბაშვილმა ტელეკომპანია BBC-თვის მიცემულ ინტერვიუში განაცხადა.

ირაკლი ღარიბაშვილის თქმით, რუსეთი არ აპირებს ჩაერიოს ასოცირების ხელსეკრულების პროცესში.
რაც შეეხება ევროკავშირსა და ნატოში გაწევრიანების საკითხს, პრემიერის თქმით, საქართველო აგრძელებს დემოკრატიულ პროცესსა და პროგრესს, რათა გახდეს ევროპული ოჯახის წევრი."2012 წელს არჩვენების შედეგად ჩვენ შევცვალეთ დამოკიდებულება რუსეთთან ურთიერთობებში. წინა ხელისუფლებას, სააკაშვილის ხელმძღვანელობით ჰქონდა განსხვავებული დამოკიდებულება რუსეთთან, რადიკალური პოლიტიკა. ჩვენ რამდენიმე კონსტრუქციული ნაბიჯი გადავდგით, წარმატებასაც მივაღწიეთ, სპეციალური წარმოამდგენელი დავნიშნეთ რუსეთთან ურთიერთობებში. გაიხსნა რუსეთი ბაზარი და მე ვფიქრობ ჩვენ დავამტკიცეთ, რომ რუსეთთან კონსტრუქციული ურთიერთობა გვსურდა. ერთი თვის წინ რუსეთის საგარეო სამქეთა მინსიტრმა განაცხადა, რომ რუსეთი არ აპირებს ჩაერიოს ასოცირების ხელშეკრულების ხელმოწერის პროცესში."- განაცხადა პრემიერმა.კითხვაზე მიაღწევს თუ არა საქართველო წარმატებას იქ, სადაც უკრაინას ხელი მოეცარა?- პრემიერ -მინისტრმა უპასუხა:"საქართველოს გზა უნიკალური გახლავთ, ერთის მხრივ ჩვენ მივიწევთ ევროკავშირსკენ, ამავე დროს ჩვენ ვახორციელებთ ღონისძიებებს რუსეთთან ურთიერთობის ნორმალიზების კუთხით, ვცდილობთ ბალანსი არ დავარღვიოთ. ჩვენ ნათლად განვაცხადეთ საქართველოს მისწრაფების შესახებ, ქვეყანა გამხდარიყო ევროკავშირისა და ნატოს წევრი და ეს არის შეუქცევადი. ჩვენ ვიცით , რომ ეს არის რთული გზა, თუმცა საქართველომ დიდი პროგრესი განიცადა. ჩვენ ჩავატარეთ დემოკრატიული საპარლამენტო არჩევნები. საქართველო ისევ რჩება ნატოს არაწევრ ქვეყნად, რომელსაც დიდი წვლილი შეაქვს ნატოს ავღანეთის მისიაში,"-განაცხადა ირაკლი ღარიბაშვილმა.