საქართველოს პარლამენტის თავმჯდომარე დავით უსუფაშვილი გერმანელ პარლამენტარებს შეხვდა.

შეხვედრაზე საუბარი შეეხო თვითმმართველობის არჩევნებს და წინასაარჩევნო კამპანიის მიმდინარეობას.

შეხვედრაზე, რომელიც დღეს, თბილისში, იუსტიციის სახლში გაიმართა, საქართველოს პარლამენტის თავმჯდომარემ გერმანელ სტუმრებს წინასაარჩევნო ვითარება გააცნო და აღნიშნა, რომ ეს არჩევნები გამორჩეული იქნება იმით, რომ პირველად ქვეყნის ისტორიაში პირდაპირი წესით აირჩევიან რაიონების გამგებლები და ქალაქების მერები.
საუბარი შეეხო ასევე ორ ქვეყანას შორის საპარლამენტო ურთიერთობას და მათი გაღრმავების მნიშვნელობას. როგორც დავით უსუფაშვილმა აღნიშნა, პოლიტიკური პარტიების განსხვავებული მსოფლმხედველობის მიუხედავად, საგარეო პოლიტიკასთან მიმართებაში არსებობს საპარლამენტო კონსესუსი.
თავის მხრივ გერმანელმა პარლამენტარებმა აღნიშნეს, რომ საპარლამენტო თანამშრომლობა ძალიან მნიშვნელოვანი იქნება ევროსტრუქტურებში საქართველოს ინტეგრაციის პროცესის შეუფერხებლად განხორციელებისათვის.