„ნაციონალური მოძრაობის“ ზუგდიდის გამგებლობის კანდიდატი თენგიზ გუნავა ზუგდიდში მომხდარ ინციდენტზე პასუხისმგებლობას პრემიერ-მინისტრს აკისრებს. მისი თქმით, ირაკლი ღარიბაშვილი ცდილობს ცინდელიანის და ქარდავას ოჯახი პოლიტიკურ პროცესებს დაუკავშიროს.

„უსუსური და არამზადა პრემიერი ყველაფერს აკეთებს, რომ ეს გაჭირვებული ადამიანები პოლიტიკურ პროცესებს დაუკავშიროს. არც ერთ ძალოვან უწყებას არ უთქვამს თენგიზ გუნავას სახელი და პრემიერ-მინისტრმა უაპელაციო ისაუბრა ჩემზე“, - განაცხადა თენგიზ გუნავა.

„ნაციონალური მოძრაობის“ ზუგდიდის ოფისთან გარდაცვლილი დავით ცინდელიანის და პაატა ქარდავას ოჯახის წევრებმა აქცია გამართეს.

ადგილზე აქციის მონაწილეებსა და ადგილზე შეკრებილ სამართალდამცველებს შორის შეხლა-შემოხლა მოხდა.

შეგახსენებთ, დავით ცინდელიანის და ვლადიმერ ქარდავას მკვლელობის საქმეზე განზრახ მკვლელობის და წამების მუხლებით, აფხაზეთის კუდ-ის ყოფილ უფროსს რომან შამათავას ბრალი დაუმძიმა.