საქართველოში ევროკავშირის ელჩმა ფილიპ დიმიტროვმა წინასაარჩევნო გარემო შეაფასა.

დიმიტორვმა ყველა მხარეს მოუწოდა არასამთავრობო ორგანიზაციების რეკომენდაციები გაითვალისწინონ.

“ვითარებას ყურადღებით ვაკვირდებით, ვაფასებთ წარმატებას, რასაც საქართველომ წინა ორი არჩევნების დროს მიაღწია. ვფიქრობ, არსებობს სერიოზული საფუძველი ასოცირების ხელშეკრულების გასაფორმებლად, ეს უნდა შენარჩუნდეს. ნამდვილად არსებობს შეშფოთების საგანი, რომელთა შესახებაც არასამთავრობოების მხრიდან ვისმენთ. ამის იგნორირებას არავის ვურჩევდი. პრობლემები უნდა მოგვარდეს. დემოკრატიულ ქცევას საფუძველი უკვე ჩაეყარა და მისი შერყევა ადვილი არ არის, მაგრამ თუ კანონის ფარგლებს რაიმე სცდება, დაუყონებლივ უნდა მიხედონ და გამოიძიონ”, - განაცხადა დიმიტროვმა.