თბილისის ყოფილი მერი გიგი უგულავა გიორგი კაპანაძის ბრალდებებს პასუხობს.

მისი თქმით, ბიზნესმენს ამ ფორმით საკუთარი ფინანსური პრობლემების გაუმჯობესება სურს.

“კაპანაძე ცრუობს და შეუიარაღებელი თვალითაც ჩანს, ის რომ არის შეშინებული, ამ ადამიანს აქვს ძალიან ბევრი ფინანსური პრობლემა და როგორც ჩანს, ახლა ცდილობს თავისი აგენტობა და თავისი საქციელი გადაფაროს იმით, რომ წარმოუჩინოს საზოგადოებას თითქოს, ის არის ცხრაწლიანი რეჟიმის მსხვერპლი. საზოგადოებას მინდა, ვუთხრა, რომ ის არის ნუგზარ შევარდნაძის ხელის ბიჭი და სწორედ ნუგზარ შევარდნაძეს წარმოადგენდა ის ფეროშენადნობთა ქარხანაში”, - განაცხადა უგულავამ.

ბიზნესმენმა გიორგი კაპანაძემ “პოლიტიკის დროში” წინა ხელისუფლების დროს განხორციელებული ზეწოლის შესახებ ისაუბრა.