სესიაშვილი- ძალიან ბევრი სპეკულირებაა, რომ "ნაციონალურ მოძრაობას" "ქართული ოცნება"

სესიაშვილი- ძალიან ბევრი სპეკულირებაა, რომ "ნაციონალურ მოძრაობას" "ქართული ოცნება" – ხელისუფლება ავიწროვებს

პოლიტიკა - 16:55, 11 Jun, 2014

491

ზუგდიდში, "ნაციონალური მოძრაობის" ოფისთან მომხდარ დაპირისპირებას საპარლამენტო უმრავლესობის წარმომადგენელი ირაკლი სესიაშვილი ეხმაურება .

"ძალიან ბევრი სპეკულირებაა იმასთან დაკავშირებით, თითქოს წინასაარჩევნოდ "ნაციონალურ მოძრაობას" "ქართული ოცნება" – ხელისუფლება ავიწროვებს, რაც აბსოლუტური სიცრუეა. მესმის, რომ ცალკეული მოქალაქეები წინა ხელისუფლების წარმომადგენლების მიმართ აგრესიას გამოხატავენ, მაგრამ ეს აუცილებლად უნდა გავმიჯნოთ ხელისუფლების პოზიციისგან, რომელიც არის ძალიან მკაფიო და პრინციპიული: ჩვენ გვსურს ჩატარდეს დემოკრატიული და თავისუფალი არჩევნები, ვემიჯნებით ნებისმიერ ძალადობას და მეტიც, მოვუწოდებთ პირველ რიგში ჩვენს მხარდამჭერებს, მაქსიმალურად შეიკავონ თავი ასეთი ქმედებებისგან. ეს პირველი რიგში დააზიანებს კოალიციას, დააზიანებს ქვეყნის ინტერესებს და იმიჯს", - განუცხადა ჟურნალისტებს ირაკლი სესიაშვილმა.

დღეს დაპირისპირება მოხდა "ნაციონალური მოძრაობის" ზუგდიდის ოფისთან, სადაც სატყეო დეპარტმანეტის რეინჯერის დავით ცინდელიანისა და კონტრდაზვერვის ოფიცრის პაატა ქარდავას ოჯახის წევრები ერთობლივ აქციას მართავდნენ.

სამართალდამცველებმა გააკეთეს ჯაჭვი და აქციის მონაწილეებს "ნაციონალური მოძრაობის" ოფისთან ახლოს არ უშვებდნენ, რასაც მოჰყვა ფიზიკური დაპირისპირება პოლიციის თანამშრომლებსა და აქციის მონაწილეებს შორის. ისინი მოითხოვენ "ნაციონალური მოძრაობის" ოფისთან მისვლას და იქ საპროტესტო აქციის გამართვას.

ცინდელიანისა და ქარდავას გაუჩინარების საქმის გახსნაზე განცხადებები შს სამინისტროში გაკეთდა. მათ მკვლელობაში კუდ-ის ყოფილი მაღალჩინოსანი, რომან შაფათავაა ბრალდებული.