საქართველოში იტალიის ელჩის ფედერიკა ფავის განცხადებით, იტალიისა და ოკუპირებული აფხაზეთის ქალაქებს შორის ე.წ. "შეთანხმებების“ გაფორმება იტალიის კანონმდებლობის დარღვევაა და იტალიის მთავრობა მათ ბათილად მიიჩნევს.

ამის შესახებ ელჩმა საქართველოს საგარეო საქმეთა მინისტრის მოადგილე დავით ჯალაღანიასთან შეხვედრისას განაცხადა.

მხარეებმა ორმხრივი ურთიერთობების საკითხები განიხილეს. ყურადღება გამახვილდა ოკუპირებული აფხაზეთისა და იტალიის ქალაქებს შორის ე.წ. "შეთანხმების“ გაფორმების საკითხზე.

ელჩმა დაადასტურა იტალიის ურყევი პოზიცია საქრთველოს სუვერენიტეტისა და ოკუპირებული რეგიონების არაღიარების პოლიტიკის მხარდაჭერის თაობაზე და დასძინა, რომ ე.წ. "შეთანხმებების“ გაფორმება წარმოადგენს იტალიის კანონმდებლობის დარღვევას და შესაბამისად, იტალიის მთავრობა მათ ბათილად მიიჩნევს.