„ქართული ოცნების“ თბილისის მერობის კანდიდატმა დავით ნარმანიამ, „რუსთავის 2“-ის ეთერში გადაცემა არჩევანში“ სტუმრობისას ქალაქის გამწვანებასა და მილიონი ხის დარგვის შესახებ კიდევ ერთხელ ისაუბრა.

„ჩვენ წელსვე დავიწყებთ ქალაქის განაშენიანების გენერალური გეგმის მომზადებას და ამ გეგმაში ცალკე ნაწილი დაეთმობა გამწვანების და რეკრეაციულ ზონებს, გამწვანების ზონებში იქ, სადაც ჯერ კიდევ შემორჩენილია ტერიტორიები და აღარ არის ხეები, ჩვენ დამატებით დავრგავთ ხეებს. ის ერთი მილიონი ხის დარგვის განაცხადი, რომელიც მე გავაკეთე, კონკრეტულ გაანგარიშებებს ეყრდნობა, ჩვენ დაახლოებით 300 ჰექტარი ტერიტორია დაგვჭირდება დედაქალაქში და მის შემოერთებულ დასახლებებში, დედაქალქის მერია იზრუნებს იმაზე, შეარჩევს ტერიტორიებს, გააკეთებს კვლევას, შეარჩევს შესაბამის ჯიშებს, შეისყიდის მათ და ზაფხულის განმავლობაში მოახდენს მათ მორწყვას, იმისათვის რომ არ განადგურდეს“,- განაცხადა დავით ნარმანიამ.