დიმიტრი ლორთქიფანიძე - 15 ივნისს შევცვალოთ „ქოცნაცური“ ალიანსი

პოლიტიკა - 22:04, 10 Jun, 2014

1130

„ნინო ბურჯანაძე-ერთიანი ოპოზიციის კანდიდატმა“ დიმიტრი ლორთქიფანიძემ, „რუსთავი 2“-ის ეთერში გადაცემა „არჩევანში“ დებატების ფორმატში ისაუბრა.

ლორთქიფანიძე მიიჩნევს, რომ საქართველში მახინჯი კოჰაბიტაცია ჩამოყალიბდა, რომლის მეტასტაზებს ქართველის ერი დღესაც კი იმკის.

ლორთქიფანიძემ აღნიშნა, რომ მას პრეტენზია აქვს „ქართული ოცნების“ მერობის კანდიდატთან დავით ნარმანიასთან და მის გუნდათან.

„მათ 2012 წლის ოქტომბერში იმიტომ მიიღეს ხმები, რომ მათ „ნაციონალური მოძრაობის“ თარეში უნდა აღეკვეთათ, დღეს კი კოლექტიური შამათავა არის ყველგან, პარლამენტშიც, პროკურატურაშიც, შინაგან საქმეთა სამინისტროშიც, ისინი ახორციელებენ თავიანთ ძალაუფლებას, ისინი საფრთხეს უქმნიან ჩვენს მომავალს და ამისათვის საჭიროა 2014 წლის 15 ივნისს ყველანი მივიდეთ საარჩევნო ყუთებთან და მხარი დავუჭიროთ ერთადერთ რეალურ ოპოზიციას, რომელსაც გააჩნია რესურსი ჩაანაცვლოს ეს „ქოცნაცური“ ალიანსი და რეალურად შეცვალოს და რელსებიდან გადაიყვანოს ის პოლიტიკური სისტემა, რომელიც 20 წლის განმავლობაში უცვლელად მართავდა ამ ქვეყანას, ეს არის საარჩევნო სიით N3, ნინო ბურჯანაძე-ერთიანი ოპოზიცია“,- განაცხადა დიმიტრი ლორთქიფანიძემ.