ნატოს ექსპერტები აცხადებენ, რომ ალიანსმა საქართველოს მისწრაფებას MAP-ის მინიჭებით უნდა უპასუხოს.

ექსპერტებმა ამის შესახებ ნატო-ს გენერალური მდივნის ანდერს ფოგ რასმუსენისადმი უელსის სამიტამდე გაგზავნილ რეკომენდაციაში განაცხადეს.

„ნატოს უელსის სამიტზე ალიანსმა მკაფიოდ უნდა დააფიქსიროს, რომ ალიანსის კარი ღიაა ქვეყნებისთვის, რომლებიც მზად არიან აიღონ ვალდებულება და აკმაყოფილებენ კრიტერიუმებს, განსაკუთრებით მაკედონია და მონტენეგრო. ნატომ საქართველოს მისწრაფებას ალიანსის წევრობისკენ უნდა უპასუხოს წევრობის სამოქმედო გეგმის მინიჭებით -MAP-ით“, - ნათქვამია მიმართვაში.

„მოამბის“ ცნობით, ქვეთავში „ახალი მიდგომები რეგიონალურ პარტნიორებთან და მზადება მომავალი გაფართოებისთვის“ აღნიშნულია, რომ „ალიანსმა უნდა იპოვოს ახალი გზები უკრაინასთან თანამშრომლობისთვის“.

„ნატო უნდა მოემზადოს მომავალი გაფართოებისთვის იმის გამო, რომ ნატოს მომავალი პარტნიორები ისჯებიან ინტეგრაციის მცდელობისა და სურვილის გამო. ალიანსმა უნდა იპოვოს მექანიზმები და ინსტრუმენტები, რომლებიც დაეხმარება პარტნიორებს, როგორიცაა საქართველო, რომ გახდეს ნატო-ს წევრი. ამიტომ უნდა დაპატიჟონ ევროპული სახელმწიფოები, რომლებმაც არაერთხელ მოახდინეს დემონსტრირება იმისა, რომ არიან ნატოს პარტნიორები და ალიანსმა ისინი აუცილებლად უნდა მიიწვიონ“, - აცხადებენ ნატოს ექსპერტები.