მსოფლიო ბანკის რეგიონული დირექტორის სამხრეთ კავკასიაში ჰენრი კერალის შეფასებით, საქართველოში შთამბეჭდავი ეკონომიკური ზრდა დაფიქსირდა, მაგრამ, მისივე თქმით, ზრდის გასაგრძელებლად დამცავი მექანიზმების შექმნა, ხარჯების კონსოლიდაცია და თანხების უფრო ეფექტიანი ხარჯვაა აუცილებელი.

"მსურს, მადლობა გადავუხადო საქართველოს მთავრობას იმისთვის, რომ კვლევის მომზადების პროცესში ასე აქტიურად თანამშრომლობდა მსოფლიო ბანკთან. აღნიშნულ კვლევაში ძირითადად საუბარია სახელმწიფო ხარჯებზე. საქართველოში შთამბეჭდავი ეკონომიკური ზრდა დაფიქსირდა, მაგრამ იმისთვის, რომ ზრდა გაგრძელდეს, აუცილებელია დამცავი მექანიზმების შექმნა, ხარჯების კონსოლიდაცია, თანხების უფრო ეფექტიანი ხარჯვა. ეკონომიკური ზრდის ხელშეწყობა და სამუშაო ადგილების შექმნა - ეს ანგარიში სწორედ ამ მიზნებისთვის შემუშავდა“ - აღნიშნა კერალმა.