„მთა ყველაზე კარგად ინახავს ქართულ სულს და ჩვენი ვალია მოვუფრთხილდეთ მას“, - ამის შესახებ პრემიერ-მინისტრმა ბარისახოში "საუკუნის გზის" პრეზენტაციაზე განაცხადა.

ირაკლი ღარიბაშვილის თქმით, თუ მთა იქნება ძლიერი, სამშობლო იქნება ძლიერი.

"დარწმუნებული ვარ, რომ ჩვენ ამ საქმეს, თქვენი ჩართულობით აუცილებლად მივიყვანთ ბოლომდე, რადგან მთა არის ჩვენი ქვეყნის სიძლიერე, ჩვენი სიამაყე. მთა ყველაზე კარგად ინახავს ქართულ სულს, ქართულ გენს, ჩვენს ადათ-წესებს და ჩვენი ვალია, რომ მას მოვუფრთხილდეთ, მოვუაროთ, რომ არ დავკარგოთ უნიკალური ტრადიციები და შევინარჩუნოთ ჩვენი თვითმყოფადობა. და თუ მთა იქნება ძლიერი, მე მჯერა, რომ ჩვენი სამშობლო იქნება ძლიერი", - აღნიშნა ღარიბაშვილმა.

"საუკუნის გზის" პრეზენტაციას სრულიად საქართველოს კათოლიკოს-პატრიარქიც ესწრებოდა.