„საქართველოს მთავრობას ყველა სავარაუდო სცენარი გათვლილი აქვს იმისთვის, რომ რუსეთის მხრიდან სამხედრო ესკალაცია თავიდან აიცილოს“, - ამის შესახებ თავდაცვის მინისტრმა ირაკლი ალასანიამ გადაცემა „თეორემის“ ეთერეში სტუმრობისას განაცხადა.

„პირდაპირი ბერკეტები რუსეთს ხელში არ აქვს. რეალურ საფრთხეს რუსეთისგან წარმოადგენს სამხედრო ესკალაცია. დამერწმუნეთ, რომ თითქმის ყველა სავარაუდო სცენარი გათვილილია და სწორედ ამ სავარაუდო სცენარებს არის მორგებული ის ძალისხმევა, რომელიც ჩვენი თავდაცვისუნარიანობის ამაღლებაზე იხარჯება მთავრობის მხრიდან. ჩვენ გვჭირდება მშვიდობა, რომ განვითარდეთ, მაგრამ მშვიდობა არ არის ის, რომ ჩვენ ყველაფრის ფასად მივაღწიოთ ამას“, - აღნიშნა ალასანიამ.

რაც შეეხება ეკონომიკურ ბერკეტს, ამის საშიშროებას ალასანია ვერ ხედავს.

„2006 წლის შემდეგ, განხორციელებული ბიზნესიფიკაცია ჩვენი ენერგომოხმარების, არ აძლევს რუსეთს ხელთ ჰქონდეს რაიმე ენერგობერკეტი. ასევე, რუსეთს არ ჰყავს ჩვენს შიგნით ისეთი რუსულენოვანი მოსახლეობა, რომელიც საბოტაჟირებას გაუკეთებს ჩვენს სახელმწიფოს, როგორც ეს აღმოსავლეთ უკრაინის შემთხვევაში მოხდა. იმ შეთხვევაში თუ რუსეთმა გადაწყვიტა, რომ რაიმე ბერკეტი აამოქმედოს, ჩვენ გვაქვს გათვლები“, - განაცხადა ირაკლი ალასნაიამ.