ოთარ დანელია ბულგარეთის რესპუბლიკის ელჩს შეხვდა

პოლიტიკა - 18:46, 09 Jun, 2014

1360

სოფლის მეურნეობის მინისტრის პირველი მოადგილე, ოთარ დანელია საქართველოში ბულგარეთის რესპუბლიკის ელჩს,პლამენ ბონჩევიჩს შეხვდა.

შეხვედრაზე სოფლის მეურნეობის სფეროში ორ ქვეყანას შორის მომავალი თანამშრომლობის მიმართულებებზე და პერსპექტივებზე იმსჯელეს.

„ჩვენთვის მნიშვნელოვანია იმ გამოცდილების გაზიარება, რომლიც ბულგარეთის რესპუბლიკამ გაიარა ევროინტეგრაციის გზაზე. არსებობს თანამშრომლობის სურვილი და რეალური რესურსი. აზერბაიჯანის რესპუბლიკაში სამუშაო ვიზიტის დროს შევხვდი ბულგარეთის სოფლის მეურნეობის მინისტრს, ვისაუბრეთ ორმხრივი პროექტების განხორციელების საკითხებზე. დაგეგმილია ბულგარეთის რესპუბლიკაში ვიზიტი, სადაც ხელი მოეწერება თანამშრომლობის შესახებ მემორანდუმს“, - განაცახადა შეხვედრაზე ოთარ დანელიამ.

პლამენ ბონჩევიჩმა შეხვედრაზე ხაზი გაუსვა, რომ რეგიონული პოლიტიკის ჭრილში ბულგარეთის რესპუბლიკისთვის საქართველოსთან მჭიდრო ურთიერთობა პრიორიტეტულია.

ოთარ დანელიამ საქართველოში ხელსაყრელ საინვესტიციო გარემოზე ისაუბრა და აღნიშნა, რომ სოფლის მეურნეობის სამინისტრო მზად არის ითანამშრომლოს და დაეხმაროს ყველას, ვინც ახორციელებს ან გეგმავს საქართველოში სოფლის მეურნეობის მიმართულებით ინვესტიცია განახორციელოს.

ბულგარეთის რესპუბლიკის ელჩთან შეხვედრას ესწრებოდნენ სოფლის მეურნეობის მინისტრის მოადგილე დავით გალეგაშვილი და სურსათის ეროვნული სააგენტოს უფროსი ზურაბ ჩეკურაშვილი.