ვიქტორ დოლიძე რუსეთს 6 პუნქტიანი შეთანხმების შესრულებისკენ მოუწოდებს

პოლიტიკა - 15:34, 09 Jun, 2014

1578

საპარლამენტო უმრავლესობის ერთ-ერთი ლიდერი ვიქტორ დოლიძე საქართველოს ხელისუფლების ყოფილ მაღალჩინოსნებზე რუსეთის მიერ საერთაშორისო ძებნის გამოცხადების შესაძლებლობას ეხმაურება და კრემლს 2008 წლის 12 სექტემბრის 6 პუნქტიან შეთანხმების შესრულებისკენ მოუწოდებს."რუსეთის საგამოძიებო კომიტეტმა, რომელი ე.წ. ქოლგის ქვეშ დაიწყო ძიება? გაერომ, ეუთო-მ, თუ ვინ მისცა მანდატი, როცა გამოძიება დაიწყო? ასეთი მანდატი არავის მიუცია. ჩვენ საკმაოდ კარგად ვიცნობთ საერთაშორისო სამართალს. ნებისმიერი ნაბიჯი, რომელიც საერთაშორისო სამართალს, მის პრინციპებს, ურყევ ნორმებს შელახავს, იქნება კონტექსტის მიღმა. ერთი რამ მინდა ვთქვა: თუკი რუსეთი საერთაშორისო ვალდებულებების, მათ შორის დემოკრატიული პრინციპებისა და ნორმების ურყევ შესრულებას შეუდგება და ერთხელ და სამუდამოდ გვექნება მათთან თანაბარუფლებიანი ურთიერთობა, როგორც ეკონომიკური, პოლიტიკური, ასევე სამხედრო-პოლიტიკური მიმართულებით, მხოლოდ და მხოლოდ მოხარული ვიქნებით", - აცხადებს დოლიძე.

ცოტა ხნის წინ რუსეთის საგამოძიებო კომიტეტის წარმომადგენლმა ვლადიმერ მარკინმა განაცხადა, რომ არ არის გამორიცხული საერთაშორისო ძებნა გამოცხადდეს საქართველოს ყოფილ მაღალჩინოსნებზე, რომლებიც პასუხისმგებელი არიან ე.წ.სამხრეთ ოსეთში 2008 წლის მოვლენებზე.