საქალაქო სასამართლო ,,ერთიანი ნაციონალური მოძრაობის” სარჩელს დღეს განიხილავს.

საპარლამენტო უმცირესობამ სასამართლოში ცენტრალური საარჩევნო კომისიის ის გადაწყვეტილება გაასაჩივრა, რომლის მიხედვითაც, მარნეულში გამგებლობის კანდიდატობიდან აკმამედ იმამყულიევი მოიხსნა.

აღნიშნული სარჩელით ,,ნაციონალურმა მოძრაობამ” ჯერ ცესკო-ს მიმართა, თუმცა ცენტრალურმა საარჩევნო კომისიამ აკმამედ იმამყულიევის კანდიდატურის მოხსნის გადაწყვეტილება არ შეცვალა.

მომხდარს პოლიტიკურ ზეწოლად აფასებენ საპარლამენტო უმცირესობაში.

საპასუხო ბრალდებებს აყენებს მმართველი გუნდი. უმრავლესობაში აცხადებენ, რომ მარნეულის საოლქო საარჩევნო კომისიის თავმჯდომარეზე ზეწოლა "ნაციონალური მოძრაობის" მხრიდან განხორციელდა.