რამდენ გუნდიანი იქნება საქართველოს ფეხბურთის ეროვნული ჩემპიონატი?!

სპორტი - 15:18, 09 Jun, 2014

3408

სახელმწიფო კანცელარიაში გამართული ფეხბურთის კომისის სხდომის შემდეგ საგანგებო პრესკონფერენცია გამართა ფეხბურთის ფედერაციის პრეზიდენტმა ზვიად სიჭინავამ:

„პრემიერმა დასვა ერთი კონკრეტული შეკითხვა რამდენ გუნდზეა ლაპარაკი, ფედერაციის პოზიცია იყო, რომ სახელმწიფო თუ დაეხმარებოდა ყოფილიყო 16 გუნდიანი, სამწუხაროდ ჩემი პოზიცია იყო ცალმხრივი, მეორე მხრიდან იყო 4 წარმომადგენელი რომლებმაც საწინააღმდეგო აზრი გამოთქვეს და კამათიც მოგვივიდა, ბატონ ლევან ყოფიანს ვკითხე, როდესაც დაიწყო ეს ლაპარაკი, რატომ არ დაიბარეთ ბატონი მურთაზი და რატომ არ შეაჩერეთ ეს ყველაფერი? რატომ მიეცათ ეს მოლოდინი კლუბებს? ბატონმა კოკაიამ თქვა, რომ თუ 16 გუნდიანი იქნება ის საერთოდ არ დააფინანსებს ეროვნულ ჩემპიონატს. ყველაფერი გაკეთდა იმისთვის, რომ დღეს კომისიის წევრებმა არ გაითვალისწინეს 33 გუნდის აზრი, რომელიც მომხრე იყო და რომლის წამომადგენლებიც ჩვენ ფედერაცია ვიყავით და გაითვალისწინა ორი გუნდის პოზიცია, გამოვიდა რომ მათი პოზიცია უფრო მტკიცეა. ბატონმა პრემიერმა თქვა, რომ ეს შეხვედრა უნდა ჩამოყალიბდეს და საბოლოო პროექტს პირველ ივლისს ელოდება. ჩვენ გვექნება შეხვედრები, მე მზად ვარ შევხვდე კლუბებს. პასუხი იქნება გასაცემი ყველა კლუბის კითხვებზე, ბატონი ლევანიც ამისთვის მზადყოფნას გამოთქვამს“, - განაცხადა სიჭინავამ.