სამინისტროს ონფორმაციით, ირაკლი ჟორჟოლიანი თბილისის სახელმწიფო უნივერსიტეტის დიპლომატიისა და საერთაშორისო ურთიერთობების ბაკალავრია, ევროპათმცოდნეობის მაგისტრის ხარისხი კი, სკანდინავიის ქვეყნებში მიიღო.

ირაკლი ჟორჟოლიანი ფონდის საქმიანობის შესახებ პრეზენტაციას გამართავს და ფონდის განვითარების შესახებ ისაუბრებს. 2013 წელს ფონდი განსაზღვრავს ახალ პრიორიტეტებს, რომელთა მიხედვით წლის განმავლობაში რამდენიმე საგრანტო კონკურსს გამოაცხადებს. სტრატეგია მოიცავს თანამშრომლობას ცალკეულ ფონდებთან და ბიზნესწრეებთან, რაც ფონდში დამატებითი სახსრების მოძიებას უზრუნველყოფს.

სამინისტროს ინფორმაციით, შემუშავებული პრიორიტეტები ორიენტირებული იქნება ახალგაზრდების მოთხოვნებზე და თავსებადი იქნება სახელმწიფოს მიერ ჩამოყალიბებულ პრიორიტეტებთან: განათლება, ჯანდაცვა, სოფლის მეურნეობა, ადგილობრივი თვითმმართველობის განვითარება, გარემოს დაცვა, ცხოვრების ჯანსაღი წესის პოპულარიზაცია და ა.შ. პარალელურ რეჟიმში ფონდი თავადაც განახორციელებს პროექტებს ახალგაზრდებისთვის, როგორც თბილისში, ასევე საქართველოს სხვა რეგიონებში.