ნეტკაჩოვის სპეცრაზმელები და უგულავა, ბოკერია, ბარამიძეზე თავდასხმა ბათუმში

პოლიტიკა - 14:10, 08 Jun, 2014

2919

,,ერთიანი ნაციონალური მოძრაობის“ წინასაარჩევნო შეხვედრაზე პოლიტპატიმრის სტატუსით გათავისუფლებული პირები დავით ლორია და ჯემალ დუაძე მიცვივდნენ და ფიზიკური დაპირისპირების პროვოცირება სცადეს.

”ბი ნიუსის” ინფორმაციით, ეს ადამიანები ბათუმის მერობის კანდიდატის – გიორგი ერმაკოვის შეხვედრებს უწევენ ზედამხედველობას. იგივეს აცხადებს ბათუმის „ნაციონალური მოძრაობის“ საარჩევნო სიის პირველი ნომერი გიორგი კირთაძე. მისი თქმით ეს ადამიანები მსგავსი პროვოკაციებისთვის ჰყავს „ქართულ ოცნებას“.

„გუშინდელი ჩვენზე თავდასხმის ინიციატორები იყვნენ დავით ლორია და ჯემალ ბუაძე, რომლებიც არიან ერმაკოვის შტაბის წევრები და მათ მოვალეობაში შედის ამ ტიპის პროვოკაციების მოწყობა. ისინი არიან ჩვეულებრივი ზონდერები, მათთან ერთად გუშინდელ თავდასხმაში ასევე მონაწილეობდნენ ნეტკაჩოვის მიერ გაწვრთნილი სპეცრაზმელები , რომლებიც ჩემი ინფორმაციით 2004 წლიდან აღარ იმყოფებოდნენ აჭარაში. ეს ყველაფერი იყო „ქართული ოცნების“ ხელისუფლების მიერ ორგანიზებული და მოწყობილი“,-განაცხადა გიორგი კირთაძემ.

მომხდართან დაკავშირებით სისხლის სამსართლის საქმე 125-ე მუხლით ცემის ფაქტზე აღიძრა.