ჭიაბერაშვილი: ქალბატონი თამარ ჟვანია წუხანდლამდე კარგი რეპუტაციით სარგებლობდა

სოც.მედია - 14:02, 08 Jun, 2014

1194

,,ნაციონალური მოძრაობის“ ერთ-ერთი ლიდერი ზურაბ ჭიაბერაშვილი ცენტრალური საარჩევნო კომისიის გადაწყვეტილებას ,,ფეისბუქის“ გვერდზე ეხმაურება. ცესკოს მიერ ,,ნაციონალების“ კანდიდატისთვის არჩევნების რეგისტრაციის გაუქმებას ჭიაბერაშვილი მარნეულის ამომრჩევლის მიმართ უსამართლო დამოკიდებულებას უწოდებს.

,,ცესკოს წუხანდელი გადაწყვეტილება 3 ასპექტით არის ჩემთვის ძალიან სამწუხარო:

1. უკანონოა თავისი არსით და უსამართლო - მარნეულის ამომრჩევლის მიმართ

2. ცესკომ "მწვანე შუქი აუნთო" სხვა საოლქო საარჩევნო კომისიებს: ჩაიდენთ უკანონობას, "გაგაპრავებთ". ამ დაუსჯელობის სინდრომს (ამჯერად უკვე საარჩევნო ადმინისტრაციაში) ძალიან ცუდი შედეგები ექნება მთელ საარჩევნო პროცესზე და ამის შედეგებს ვიხილავთ არა მხოლოდ 15 ივნისს, არამედ შემდეგაც

3. 12 წელიწადია ქალბატონი თამარ ჟვანია საარჩევნო სფეროში მოღვაწეობს და წუხანდლამდე კარგი რეპუტაციით სარგებლობდა. ქვეყანას ძალიან სჭირდება ადამიანები, რომლის ავტორიტეტს შეიძლება მთელი საზოგადოება დაეყრდნოს. ქალბატონმა თამარ-მა წუხელ ეს შანსი ხელიდან გაუშვა, ქვეყნისთვისაც და საკუთარი თავისთვისაც.

ძალიან ვწუხვარ“, - წერს ზურაბ ჭიაბერაშვილი.