დიმიტრი ლორთქიფანიძე გეი-აღლუმების, "კაზანტიპის" და კაზინოების წინააღმდეგ

პოლიტიკა - 00:29, 07 Jun, 2014

1378

"ბურჯანაძე-ერთიანი ოპოზიციის“ თბილისის მერობის კანდიდატი დიმიტრი ლორთქიფანიძემ ტელეკომპანია „იმედის“ ეთერში გადაცემა „რეაქციაში“ სტუმრობისას პირობა დადო, რომ მისი არჩევის შემთხვევაში თბილისში გეი-აღლუმს არ დაუშვებს.

„თუ თბილისის მერად ამირჩევენ პირობას ვდებ მოსახლეობის წინაშე, რომ გარდა სოციალურ-ეკონომიკური უფლებებისა, რომლის დაცვის ვალდებულებაც გამაჩინია, როგორც მომავალ მერს, თუკი ვიქნები არჩეული, მექნება მეორე ვალდებულებაც – სამოქალაქო-პოლიტიკური უფლებების დაცვისა, მათ შორის ამ ქვეყნის მოსახლეობის აბსოლუტური უმრავლესობის. თუკი იქნება იმგვარი ღონისძიებები განხორცილებული ან განაცხადი გაკეთდება იმგვარ ღონისძიებებზე, რაც შეურაცხყოფს საზოგადოების ზნეობას, თუკი აღმოჩნდება, რომ საზოგადოების ზნეობას შეურაცხყობს გარკვეული ჯგუფის მიერ დაანონსებული შეკრებების და მანიფესტაციების თავისუფლებით მინიჭებული უფლება, გამართლოს პერფორმანსი, გეიაღლუმი, ფლეშმობი, მაშინ მე, როგორც ქალაქის მერი, ვალდებული ვიქნები დავდგე საზოგადოებრივი მორალის დაცვის სადარაჯოზე", - განაცხადა დიმიტრი ლორთქიფანიძემ.

ლორთქიფანიძე აცხადებს, რომ წელს, ანაკლიაში უფრო უარესი რამ იგეგმება, ვიდრე გეი-აღლუმი.

"ტურიზმის დეპარტამენტის ხელმძღვანელი ამბობს, რომ კაზანტიპი აგვისტოში ანაკლიაში უნდა გაიმართოს. ვინც არ იცის, უნდა იცოდეს, რომ კაზანტიპი ეს არის დაცული ტერიტორია, სადაც ნარკოტიკის მოხმარება არის ნებადართული, სადაც ასევე ნებადართულია ნებისმიერი უზნეობა და გარყვნილება", - აღნიშნალორთქიფანიძემ.

ლორთქიფანიძე მერად არჩევნების შემთხვევაში აპირებს რომ სათამაშო ბიზნესი თბილისიდან გუდაურში იყოს გადატანილი.