როგორ აფასებს თავდაცვის მინისტრი ირაკლი ალასნია აფხაზეთის მოვლენებს, არის ეს საკადრო გადაადგილება, როგორც ამას მთავრობის წევრები აცხადებდნენ თუ რუსეთის როლი მნიშნელოვანია სოხუმში განვითარებულ პროცესებში, - ამის შესახებ თავდაცვის მინისტრმა ,,რუსთავი 2“-ის ეთერში ისაუბრა. ალასანიას განცხადებით, აფხაზეთსა და ცხინვალის რეგიონში მიმდინარე მოვლენები სრულად ინსპირირებულია რუსეთის მხრიდან.

ალასანიას განმარტებით, შეფასებები შეიძლება იყოს განსხვავებული პოლიტიკოსთა მხრიდან, რადგან, მინისტრის თქმით, ზოგიერთ მათგანს ხელი არ მიუწვდება სადაზვერვო ინფორმაციაზე.

,,აქედან გამომდინარე არაინფორმირებულ ადამიანს საკუთარი პერსპექტივიდან დანახული შეიძლება ჰქონდეს ის, რაც ხდება ცხნვალში, აფხაზეთში. მე შემიძლია ერთმნიშვნელოვნად ვთქვა, რომ ეს იყო დაგეგმილი რუსეთის ფედერაციის პოლიტიკური ხელმძღვანელობის მხრიდან. ეს არის გაგრძელება იმ პოლიტიკის, რასაც რუსეთის ფედერაცია წლების განმავლობაში ახორციელებს მთლიანად რეგიონში, რაც მიმდინარეობს ჩვენს მოძმე უკრაინაში, ეს გვაძლევს მეტ არგუმენთს დასაველთში ჩვენს პარტნიორებთან, რომ გადაიდგას კონკრეტული ნაბიჯები საქართველოს თავდაცვისუნარიანობის ამაღლების კუთხით“, - განაცხადა ალასანიამ.