გაეროში საქართველოს ყოფილი ელჩი კახა ლომაია წინასაარჩევნოდ პოლიტიკური დაპირისპირების თემას ,,ფეისბუქის“ გვერდზე ეხმაურება. ლომაია მიუღებლად მიიჩნევს ოჯახური ტრაგედიის წინასაარჩევნოდ გამოყენებას და პრემიერის მხრიდან, სასამართლოს გამართვის გარეშე, თენგიზ გუნავას დამნაშავედ დასახელებას.

,,მერამდენედ იყენებს "ქართული ოცნება" ოჯახის ტრაგედიას წინასაარჩევნოდ? ჯერ იყო და 2012 წლის არჩევნების წინა დღეს (!) ეს იყო ჩვილი ბავშვი, რომლიც გარდაცვალებაც პირდაპირ დააბრალეს "ნაციონალურ მოძრაობას". ახლა, არჩევნებამდე ერთი კვირთ ადრე (!) იგივეს იმეორებენ ზუგდიდში 6 წლის წინ უგზოუკვლოდ დაკარგულ ადამიანზე. ჯერ სასამართლო არ გამართულა, პრემიერ-მინისტრი კი უკვე აცხადებს, რომ "ამ საქმეში ფიგურირებს" თენგიზ გუნავას სახელი. გავა თვეები, შსს და პროკურატურა იტყვიან (როგორც იმ უბედური ჩვილი ბავშვის შემთხვევაში თქვეს) დიდი დრო გავიდა და მტკიცებულებები აღარ არსებობსო. და ეს სიბინძურე, ეს უზნეობა შერჩებათ?“, - წერს კახა ლომაია.