ლევან ყიფიანი: ქართველი სპორტსმენები პრემიებს მიიღებენ

სპორტი - 14:58, 06 Jun, 2014

3469

სპორტის და ახლაგაზრდობის მინისტრის ლევან ყიფიანის განცხადებით, ქართველი სპორტსმენები, რომლებმაც ქვეყანას წარმატება მოუტანეს, სახელმწიფოსგან პრემიებს მიიღებენ.
აღნიშნული გადაწყვეტილება დღეს მთავრობის სხდომაზე მიიღეს.
"დღეს მთავრობამ მიიღო გადაწყვეტილება სპორტსმენების წახალისებასა და პრემირებასთან დაკავშირებით. ის სპორტსმენები, ვინც წარმატება მოუტანეს ჩვენ ქვეყანას, წახალისებულები არიან სახელმწიფოს მხრიდან სპეციალური პრემიებით", - განაცხადა ლევან ყიფიანმა.
მინისტრმა ჟურნალისტებს კიდევ ერთი ინფორმაცია გააცნო, ყიფნიანის განცხადებით, 2018 წლის მსოფლიო საჭადრაკო ოლიმპიადა შესაძლოა საქართველოში გაიმართოს.
"გვაქვს სურვილი, რომ 2018 წელს საქართველოში ჩავატაროთ საჭადრაკო ოლიმპიადა. ეს მეტად მნიშვნელოვანია, თუ გავითვალისწინებთ იმ ტრადიციებს, რომელიც აქვს საქართველოს სპორტის ამ სახეობის მიმართულებით. ჩვენ დაგეგმილი გვაქვს, რომ აგვისტოში წარვადგინოთ პრეზენტაცია მსოფლიო საჭადრაკო ფედერაციაში. ჩვენი კონკურენტი არის სამხრეთ აფრიკის რესპუბლიკა, ამიტომ რეალური შანსი არსებობს, რომ 2018 წლის საჭადრაკო ოლიმპიადა საქართველოში' გაიმართოს", - განაცხადა ლევან ყიფინმა.