მინდა ყველა პარტია გავაფრთხილო, ამგვარი ქმედება იქნება დასჯილი

მინდა ყველა პარტია გავაფრთხილო, ამგვარი ქმედება იქნება დასჯილი - წულუკიანი

პოლიტიკა - 14:50, 06 Jun, 2014

1332

იუსტიციის მინისტრი თეა წულუკიანი, პოლიტიკურ პარტიებს აფრთხლებს, თავი შეიკავონ წინასაარჩევნოდ ქულების დაწერის მიზნით, ძალადობისგან, განსკაუთრებით კი ეთნიკური უმცირესობით დასახლებულ რეგიონებში.
ამის შესახებ მინისტრმა უწყებათაშორისი კომისიის დაწყებისას განაცხადა.
წულუკიანის თქმით, ყველა სადავო საკითხთან დაკავშირებით, პარტიებმა უნდა მიმართონ ცესკოს, რომელიც მინისტრის თქმით, მაღალი ნდობით სარგებლობს.
წულუკიანის განმარტებით, ხელისუფლება არ ერევა საარჩევნო ადმინისტრაციის მუშაობაში და თუკი არსებობს სადაო გადაწყვეტილება, ის უნდა გასაჩივრდეს კანონით დადგენილი წესით.
"კომისიის სახელით და როგორც იუსტიციის მინისტრმა ცალსახად მინდა დავგმო ის ფაქტი, რაც ჩვენი ქვეყნის ერთ-ერთ რაიონში გუშინ მოხდა. ეს არის რაიონი, სადაც ძალიან დიდი ხანია მშვიდობიანად თანაცხოვრობს სხვადასხვა ეთნიკური წარმოშობის ჩვენი თანამოქალაქე. ერთ-ერთი ოპოზციური პარტია საარჩევნო კომისიის შენობაში შეიჭრა და მიუღებელი მეთოდებით ღიად, აგრესიით შეეცადა ზეწოლა განეხორციელებინა საარჩევნო ადმინისტრაციაზე. ეს არის დანაშაული, ეს არის კანონით აკრძალული ქმედება.
მინდა ყველა პარტია გავაფრთხილო, ვინც არ უნდა იყოს ის, ამგვარი ქმედებები იქნება აღკვეთილი და დასჯილი განსაკუთრებული სიმკაცრით კომპეტენტური ორგანოების მიერ. თუ ვინმეს ჰგონია, რომ შეუძლია საარჩევნო ადმინისტარაციაზე ძალადობა განახორციელოს, ეს ასე ვერ იქნება და ყველა პარტიას მოვუწოდებ, თავი შეიკავოს პოლიტიკური ქულების დაწერის მიზნით, ნებისმიერი ტიპის ძალადობისგან, აგრესიისგან. პოლიტიკურ პარტიებს, იქნება, ის მმართველი ძალა თუ ოპოზიციური პარტია, ყველას გვაკისრია განსაკუთრებული პასუხისმგებლობა საკუთარი ქვეყნის წინაშე, განსაკუთრებით იმ რეგიონებთან დაკავშირებით, სადაც სხვადასხვა ეთნიკური მოქალაქეები ცხოვრობენ. აქ უნდა გამოვიჩინოთ ყველაზე მეტად საკითხებისადმი სახელმწიფოებრივი მიდგომა", - განაცხადა თეა წულუკიანმა.