შინაგან საქმეთა მინისტრი მარნეულის ოლქში განვითარებულ მოვლენებს ეხმაურება.

მისი ინფორმაციით, აღნიშნულ ფაქტზე გამოძიება გუშინვე დაიწყო, თუმცა დამნაშავე პირების შესახებ საზოგადოება სწორედ არჩევნების შემდეგ შეიტყობს.

“ვინაიდან, არჩევნებამდე მორატორიუმია გამოცხადებული, მანამდე საგამოძიებო მოქმედებებს ჩავატარებთ, მაგრამ ვინც კრიმინალურ ქმედებაში მონაწილეობა მიიღო, ყველა დაისჯება. არ აქვს მნიშვნელობა, ლიდერი იქნება თუ არა. გამოიკვეთა სხვის ტერიტორიაზე შეჭრა, რაც უკვე დარღვევაა, ასევე ხულიგნობის ფაქტი. იყო ცსკ-ზე ზეწოლა და თავად ცენტრალურმა საარჩევნო კომისიამაც მოგვმართა, რომ ხორციელდებოდა ზეწოლა”, - განაცხადა ჭიკაიძემ.

გუშინ, მარნეულის საოლქო კომისიის თავმჯდომარეს "ნაციონალური მოძრაობის" ლიდერებმა სიტყვიერი შეურაცხყოფა მიაყენეს. ისინი მოითხოვდნენ მათი პარტიის მარნეულის გამგებლობის კანდიდატი რეგისტრაციიდან არ მოხსნილიყო.